Dili madali ang mahimong usa ka amahan. Lagmit ang kadaghanan buot subayon ang kinaraan--ang mahimong haligi ug ang tuburan sa panginabuhian. Si kinsa bang amahana ang gustong magutman ang pamilya. Ug si kinsa bang amahana ang gustong may masakitan sa iyang mga anak nga misalig sa iyang pag-giya.
Apan walay balaod nga nahisulat haron maukit ug nga mugapos sa katungdanan sa usa ka amahan.
Dili ba diay mahimong mapinanggaon ang usa ka amahan? Dili ba pwede nga siya ang mahimong mga kamot nga gunitan haron maabot ang pangandoy nga atoa sa unahan?
Walay si bisan kinsa ang maka-ingong sayop ang amahang nagpabilin sa anak aron mahatagan niya ug labawng pagtagad ang inadlaw niining panginahanglan.
Siya ang hulagway nga kanunay nagpailawom sa buluhaton ug sa mga ginagmayng sakripisyo nga abi sa uban ang inahan lang ang makahimo.
Lahi na ang amahang sugbuanaon sa kabag-uhan--mas mapinanggaon.
:) Nalingaw ko'g basa sa imohang blogs - usa na kini. Nag-post ko'g comment kagabii sa usa sa imohang Haiku apan pakyas kay maski insakto ang code nga akong gibutang (to make sure that I'm not a robot) dili gihapon makalusot. Technical glitch siguro nga gikinahanglan ug dakong pagtagad sa Google.
ReplyDelete^^ Bitaw unsang pagka-unsaa nga taud taud na gyud sad kung wala makasulat ug binisayang han-ay. Mabalak man o ma-istorya. ^^ salamat sa pagsunod. salamat gyud.
Delete