Thirsty + Siomai

Kinsa ba ang dili mahimuot nga magtan-aw sa iyang anak nga uban ug kuyog sa iyang amahan haron maniudto sa ilang mga gihigugmang pagkaon?

Ang Sugbuanon mahiligon sa pagkaon ug Siomai nga ginama gikan sa Labangon. Alang sa mga Sugbuanon kini mao ang adunay pinakalamiang timpla sa Siomai. Ug gawas pa niana, gaan lang sa bulsa ang presyo niini.

Kung sa "Gaisano Grand Carcar" ka mukaon mahimo ka nang makapalit sa kantidad nga Php25 lamang. Dili ba barato na? Ug kung gusto nimong parisan ug puso mahimong mapalit nimo ang usa niini sa tag Php3.

Ang tinuuray mahiligon sa Siomai ang akong partner. Ug sagad sa among mga lakaw muhangyo gyud na siya nga mukaon niini. Pwede bang mubalibad ka sa imong hinigugma? Syempre dili. Hasta gani usahay ako natakdan na sa iyang gugma niini.

Sa laing bahin mahiligon kaayo ning akong anak nga babaye ug mango shake. Kinsa bay dili? Hasta ako gani. Kung softdrink sad ang imong ihatag posible sang makadaot kini niya.

Tingale dili maayong match ang mango shake sa Thirsty ug Siomai sa Labangon apan ambot nganong mao kini ang gihigugmang makaon sa akong hari ug prensisa.

Amahang Sugbuanon- Mapinanggaon

Dili madali ang mahimong usa ka amahan. Lagmit ang kadaghanan buot subayon ang kinaraan--ang mahimong haligi ug ang tuburan sa panginabuhian.

Si kinsa bang amahana ang gustong magutman ang pamilya. Ug si kinsa bang amahana ang gustong may masakitan sa iyang mga anak nga misalig sa iyang pag-giya.

Apan walay balaod nga nahisulat haron maukit ug nga mugapos sa katungdanan sa usa ka amahan.

Dili ba diay mahimong mapinanggaon ang usa ka amahan? Dili ba pwede nga siya ang mahimong mga kamot nga gunitan haron maabot ang pangandoy nga atoa sa unahan?

Walay si bisan kinsa ang maka-ingong sayop ang amahang nagpabilin sa anak aron mahatagan niya ug labawng pagtagad ang inadlaw niining panginahanglan.

Siya ang hulagway nga kanunay nagpailawom sa buluhaton ug sa mga ginagmayng sakripisyo nga abi sa uban ang inahan lang ang makahimo.

Lahi na ang amahang sugbuanaon sa kabag-uhan--mas mapinanggaon.

Suroy suroy sa Dagkong Mall

Matag pamilyang sugbuanon mahiligong musuroy-lantaw sa mga dagkong tindahan ilabi na sa mga nag-unang syudad sa Sugbo. Lakip na niini ang kinakusgang tindahan sa Carcar nga "Gaisano Grand".

Sa mga tawo nga nanimuyo sa Habagatang bahin sa Sugbo lagmit ang kinadak-ang tindahan mao ang madali nga maadto haron mapalit ang mga panginahang sa panimalay. Dili ba mas sayon kini kay sa mungadto pa sa syudad sa Sugbo?

Ako ug ang akong pamilya adunay dakong pagsalig sa maong tindahan. Ang hulagway nagpakita sa akong kapikas uban sa among nag-inusarang anak nga babaye. Pariho kaming mahilong musuroy ug pariho kaming naha-uyon sa Gaisano Grand.